Кредитна линија за откуп на земјоделски производи-КФ

• До 30 000 000 денари за откуп на оризова арпа
• До 130 000 000 денари за откуп на црвенa сортa на винско грозје-вранец

Кредитобарателите и со него поврзаните лица наведени во изјавата за поврзани лица може да користат средства кумулативно максимално до предвидениот износ на кредитот.

• Откуп на оризова арпа: до 6 месеци рок на отплата со вклучен грејс период до 3 месеци сметано од првиот следен цел квартал  кој завршува на 25 јануари, 25 април, 25 јули и 25 октомври.
• Откуп на црвена сорта на грозје-вранец: до 9 месеци рок на отплата со вклучен грејс период до 3 месеци  сметано од првиот следен цел квартал  кој завршува на 25 јануари, 25 април, 25 јули и 25 октомври.

Исплата на кредитот, пресметување на камата и плаќање на доспеани обврски се врши во денари.

1% годишно фиксна каматна стапка

Квартална отплата.

Регистрирани откупувачи на земјоделски производи при Министерството за земјоделство, шумарство и водостопанство - МЗШВ.

Основни критериуми кои треба да бидат исполнети:

• Степен на тековна ликвидност од минимум 0,5 пресметан како сооднос на тековни средства и тековни обврски во рамките на билансот на состојба за последната фискална година, освен доколку приложи банкарска гаранција,
• Позитивен финансиски резултат во последната фискална година, освен доколку приложи банкарска гаранција,
• Да нема достасани неизмирени обврски кон Република Северна Македонија, што се докажува со потврда од Министерство за финансии - Управата за јавни приходи,
• Да нема неподмирени обврски кон земјоделците за што кредитобарателот доставува изјава заверена на нотар,
• Согласно податоците од Кредитен регистар на НБРСМ да се во класификација подобра или еднаква на Б (просечна ризичност) или да немаат кредитна изложеност,
• Главница и резервите во билансот на состојба од последната фискална година да биде минимум 20% од износот на бараниот кредит, освен доколку приложи банкарска гаранција,
• да е регистриран откупувач на земјоделски производи при МЗШВ (се доставува решение за регистрација издадена од МЗШВ).

При проверка на исполнетоста на претходно наведените критериуми не се земаат во предвид изложеноста и билансите на поврзаните субјекти. 

Кредитобарателите и со нив поврзаните лица наведени во изјавата за поврзани лица може да користат средства кумулативно максимално  до предвидениот износ на кредитот.

Кредитокорисникот треба средствата од кредитот да ги искористи за откуп на оризова арпа или за откуп на црвена сорта на винско грозје-вранец во рок од 30 дена од денот на приемот на средствата. За наменското искористување на средствата, кредитокорисникот доставува документација за извршените откупи (договори за откуп, и/или изводи и друга документација)  во рок од 15 дена од денот на плаќањето.  

Предмет на кредитирање или рефинансирање може да бидат и неисплатени откупи и/или исплатени откупи направени во рок од 30 дена пред поднесувањето на барањето за кредит во РБСМ.

Како обезбедување кон договорот за кредит потребно е кредитокорисникот да приложи: 

• Хипотека од прв ред на недвижен имот со вредност најмалку во висина од 1:1 во сооднос со износот на одобрениот кредит и меница авалирана најмалку од еден од сопствениците кој располага со минимум 10% од основачкиот капитал на кредитокорисникот со менична изјава за уредување на правата и обврските по меницата во форма на нотарски акт со извршна клаузула или
• Банкарска гаранција во висина на износот на одобрениот кредит

Процената на имотот предмет на обезбедување треба да е направена од страна на овластен проценител.