Развојна банка на Северна Македонија АД Скопје

Цел на кредитната линија:

Оваа кредитна линија има за цел финансирање на инвестициите и развојот на микро, малите и средни трговски друштва.

Намена на кредитната линија:

Финансирање на проекти кај микро, мали и средни претпријатија (ММСП согласно дефиницијата на ЕУ) со позитивен придонес врз креирањето на нови работни места кај кои е предвидено набавка на основни средства како: изградба, реновирање и модернизирање на згради директно поврзани со проектот, опрема и машини, хардвер, софтвер и дигитална технологија.

Извори на средствата:

Банката за развој при Советот на Европа (ЦЕБ) во износ од 50 000 000 евра.
(До 70% од кредитниот потенцијал на кредитната линија)

Квалификувани кредитобаратели:

Како потенцијални корисници можат да се јават микро, мали и средни претпријатија (ММСП согласно дефиницијата на ЕУ) кои се регистрирани во Р. Северна Македонија.

Услови на кредитната линија:

Износ на поединечен кредит наменет за крајните корисници:	Минимум: 5 000 ЕУР Максимум: 1 400 000 ЕУР
Рок на отплата:	До 8 години.
Вклучен грејс период:	До 1 година.
Каматна стапка за крајните корисници:	Се утврдува при повлекување на средствата/траншата од ЦЕБ.
Начин на отплата:	Квартална отплата.
Учество на ЦЕБ кредитната линија во поддршка на проектот:	До 70%.
Исплата и наплата кон БУ:	Во девизи (ЕУР).
Забрани и исклучувања:	Максимална вредност на проектот по ММСП е 2 000 000 ЕУР, Се кредитира до 70% од вредноста на проектот, Не е дозволено кредитирање на проекти од областа на: обновливи извори на енергија (освен ако купувањето на сончеви панели е со намена за добивање на енергија за сопствени потреби), школи и факултети, болници, факторинг, производство на тутун, вадење на руда, хемиска индустрија и вештачки ѓубрива, јаглен и нафтена индустрија, нуклеарно гориво, производство на оружје и воена опрема, финансиски и осигурителни активности, недвижности и коцкање.