Njoftim për publikun

Kompanitë në vend do të kenë qasje të lehtë dhe të shpejtë në sigurimin e kredisë së kërkesave të tyre

Më 08.05.2026, në ambientet e Bankës për zhvillim të Maqedonisë së Veriut ShA Shkup u mbajt një promovim i platformës së re të E-sigurimeve në prani të menaxhmentit të Bankës, Zëvendës shefit të Misionit në Ambasadën e Zvicrës në Maqedoninë e Veriut, përfaqësuesve nga programi IME për rritjen e punësimit në treg, përfaqësuesve nga kompania ASEE Shkup dhe përfaqësuesve nga mediat.

Ekipi i sigurimit të kredisë dhe faktoringut prezantoi funksionalitetet e platformës dhe shpjegoi përfitimet për kompanitë vendase nga përdorimi i platformës, kryesisht:

• Efikasitet më i madh, pra procese administrative të reduktuara
• Rreziqe operative të reduktuara
• Vendime më të shpejta për një strategji tregtare më efikase dhe pozicione më të mira në treg
• Instrument për menaxhim të duhur të kërkesave
   

      

Banka për zhvillim është e vetmja bankë në vend që ofron këtë produkt. Përvoja ka treguar se ajo njihet nga kompanitë vendase si një instrument që kapërcen probleme të caktuara dhe arrin efekte pozitive në operacionet e tyre. Sigurimi i kërkesave mundëson pushtimin e tregjeve të reja ku janë të pranishme rreziqet e mbledhjes së kërkesave, gjë që ndikon edhe në likuiditetin e kompanive vendase.

Drejtoresha Ekzekutive, Dr. Efimija Dimovska, shprehu mirënjohje për Qeverinë e Konfederatës Zvicerane dhe programin IME për mbështetjen e tyre të pakursyer, si dhe për ekipin e ASEE Shkup për kontributin e tyre në realizimin e këtij projekti, duke vënë në dukje se çdo mbështetje e ardhshme drejt dixhitalizimit të proceseve në bankë është e mirëseardhur.

Zëvendës shefi i misionit në Ambasadën zvicerane theksoi se kjo iniciativë është më shumë sesa një përmirësim teknologjik i Bankës për zhvillim, përkatësisht, është një hap i qartë përpara në forcimin e konkurrueshmërisë së kompanive maqedonase, duke shprehur kënaqësinë që Banka për zhvillim mbetet e përkushtuar për futjen e mjeteve të reja, ndjekjen e trendeve ndërkombëtare dhe zbatimin e zgjidhjeve dixhitale në sektorët kyç të ekonomisë, sepse, "dixhitalizimi nuk është një zgjedhje, por një domosdoshmëri - veçanërisht në mjedisin aktual të pasigurt".

Përfaqësuesi i IME falënderoi veçanërisht Bankën për gatishmërinë e saj, dhe mbi të gjitha, ekipin e sigurimit të kredisë dhe faktoringut, ndaj proceseve të dixhitalizimit.