Njoftim për publikun

Banka për zhvillim tërhoqi transhin e dhjetë dhe të fundit të linjës së kredisë BEI 7 për tranzicionin e gjelbër më datë 30.12.2025. Shuma totale e këtij transhi është 9,251,488 euro. Mjetet nga kjo transh kanë për qëllim të mbështesin 17 kompani maqedonase që merren kryesisht me aktivitete prodhuese. Me tërheqjen e kësaj transhe, Banka për Zhvillim përfundoi me sukses zbatimin e fazës së shtatë të linjës së kredisë me mjetet nga Banka Evropiane e Investimeve në shumën prej 100 milionë eurosh.

Zbatimi i fazës së shtatë të linjës kreditore të BEI-së filloi me nënshkrimin e një Marrëveshjeje për Kredi Financiare midis Bankës për zhvillim të Maqedonisë së Veriut dhe Bankës Evropiane të Investimeve për NVM dhe kompanitë me kapital të mesëm dhe tranzicion të gjelbër. Kreditë u dhanë nëpërmjet 5 bankave pjesëmarrëse të kualifikuara me një normë interesi deri në 3.5% në vit për përdoruesit përfundimtarë. Periudha e shlyerjes së kredive është deri në 12 vjet për kreditë e investimit dhe projektet me kapital të mesëm dhe deri në 3 vjet për kreditë për mjete qarkulluese.

Fondet nga linja kreditore 7 e BEI-së mbështetën 259 projekte të kompanive maqedonase.

Linja e kreditit BEI 7 arriti qëllimin për të cilin u krijua: rritjen e likuiditetit të ekonomisë, ruajtjen e vendeve ekzistuese të punës dhe krijimin e vendeve të reja të punës, rritjen e eksporteve, sigurimin e rritjes ekonomike dhe konkurrueshmërisë në një bazë të qëndrueshme, si dhe stimulimin e kompanive për të investuar në tranzicionin e gjelbër me qëllim kursimet afatgjata nëpërmjet reduktimit të konsumit të energjisë dhe ruajtjes, mbrojtjes ose përmirësimit të mjedisit.

Deri më tani, Banka për zhvillim ka realizuar shtatë faza të linjës së kredisë së BEI-së në shumën prej 650,000,000 eurosh. Mjtete nga këto linja krediti kanë mbështetur 2,621 projekte të kompanive vendase dhe kanë krijuar 9,260 vende pune.